डॉ. विलास डिगांबरआप्पा खुरपे यांनी बी ए एम एस हे ग्रा. आ. महा . पातूर, अकोला येथे पूर्ण करून पुणे येथे Diploma in Yog & Ayurveda मध्ये विशेष प्राविण्य मिळवले आहे तसेच त्यांनी पुणे येथील जगप्रसिद्ध आयुर्वेदाचार्य वैद्य समीर जमदग्नी सर यांच्या मार्गदर्शनात काही वर्ष राहून आयुर्वेदा विषयी सखोल ज्ञानार्जन केले आहे. तसेच दरवर्षी होणारी विविध आयुर्वेद संमेलने, Conference , Online Discussion मध्ये सहभागी राहून  तज्ञ आयुर्वेदिक वैद्यांच्या संपर्कात असतात.
डॉ. विलास खुरपे यांनी मागील  १८ वर्षापासून श्री विश्वेश्वर क्लिनिक  व अनेक असाध्य समजल्या जाणाऱ्या रोगांवर यशस्वीपणे आयुर्वेदिक उपचार (Ayurvedic Treatment) रुग्णांना देऊन त्यांना व्याधीमुक्त केले आहे. एखादा आजार होऊन त्यावर उपचार केल्यापेक्षा आपली दैनंदिन दिनचर्या व ऋतुचर्या अशी असावी की आपली रोगप्रतिकारक्षमता (Immunity) वाढवून आपण कोणत्याही आजाराला बळी पडू नये या गोष्टीवर ठाम विश्वास असल्यामुळे डॉ. विलास खुरपे हे रोग्यांवर फक्त इलाज करत नाहीत तर त्यांचे दैनंदिन आहार, विहार, व्यायाम पथ्ये व जीवनशैली सुधारण्याचे (Lifestyle Changes) अनेक उपाय सांगून रुग्णांना नेहमीच मार्गदर्शन करीत असतात त्यांच्या मार्गदर्शनामुळे दर महिन्याला रूग्ण म्हणून येणारे पुढे सहा-सहा महिने, काही वर्ष रुग्ण म्हणून दवाखान्याची पायरी सुद्धा चढत नाहीत त्यामुळेच त्यांनी रुग्णांचा विश्वास जिंकून त्यांच्या मनामध्ये अढळ स्थान निर्माण केले आहे.

घरातील स्त्री हा कुटुंबाचा मुख्य आधार असते. तीचे आरोग्य चांगले असले तर सर्व कुटुंबाचे आरोग्य चांगले हाच उद्देश डोळ्यासमोर ठेवून डॉ. मंजूश्री विलास खुरपे यांनी त्यांचे शिक्षण K.S.P.M होमिओपॅथिक कॉलेज लातूर येथे पूर्ण करून गेल्या 15 वर्षापासून श्री विश्वेश्वर क्लीनिक येथे होमोपॅथिक (Homeopathic) प्रॅक्टिस सुरु केली आहे व विशेषत्वाने महिला रुग्णांवर आयुर्वेदिक पंचकर्माच्या माध्यमातून उपचार करत आहेत. मुलींच्या व स्त्रियांच्या आरोग्य शिक्षणासाठी व सबलीकरणासाठी त्यांनी अनेक शाळा, कॉलेज या ठिकाणी विविध शिबिरे तसेच सार्वजनिक कार्यक्रमातून मार्गदर्शन करून सुदृढ समाज निर्मितीमध्ये मोलाचा हातभार लावला आहे.